ദര്‍ബാര്‍ ഹാളില്‍ വച്ച് നടന്ന ചടങ്ങിനിടെയായിരുന്നു സംഭവം. ബിഗ് ബ്രദറിന്റെ സംഗീത സംവിധായകന്‍ ദീപക് ദേവനൊപ്പമായിരുന്നു മോഹൻലാലും പാടിയത്. ഇതിനിടെ ഒരു യുവാവ് സ്റ്റേജിലേക്ക് ചാടിക്കയറി മോഹൻലാലിനോട് എന്തോ പറയുകയും അദ്ദേഹത്തിന്റെ കൈയ്യിൽ കയറിപ്പിടിക്കുകയും ചെയ്യുകയായിരുന്നു. സെക്യൂരിറ്റി ആളുകൾ സ്റ്റേജിൽ ഇല്ലാത്തത് ആരാധകന് എളുപ്പമായി. എന്നാൽ, ഇയാളോട് പറ്റില്ല, എന്ന് പറഞ്ഞ് കൈ തട്ടിമാറ്റി തിരിച്ച് അയയ്ക്കുന്ന മോഹൻലാലിനെ വീഡിയോയിൽ വ്യക്തമായി കാണാം.
ലാലിനൊപ്പം അര്‍ബാസ് ഖാന്‍, അനൂപ് മേനോന്‍, വിഷ്ണു ഉണ്ണികൃഷ്ണന്‍, ചെമ്പന്‍ വിനോദ്, ഹണി റോസ്, ടിനി ടോം, സിദ്ദിഖ് തുടങ്ങി ഒരു നീണ്ട താരനിര തന്നെ ചിത്രത്തിലുണ്ട്.
