പുതിയ ഇടങ്ങള്‍ തേടിയുള്ള യാത്രയിലാണ് മോഹന്‍ലാല്‍. സിനിമ തിരക്കുകള്‍ക്ക് ഇടവേള നല്‍കി നടത്തിയ യാത്ര വിശേഷങ്ങള്‍ ആരാധകരുമായി പങ്കുവയ്ക്കാന്‍ മോഹന്‍ലാല്‍ മറന്നില്ല. പുരാതന മെക്‌സിക്കന്‍ പിരമിഡിന് മുന്നില്‍ നിന്നുള്ള ചിത്രമാണ് കഴിഞ്ഞദിവസം അദ്ദേഹം പങ്കുവെച്ചത്. രണ്ടാം നൂറ്റാണ്ടില്‍ നിര്‍മ്മിച്ചതെന്ന് കരുതപ്പെടുന്ന ഈ പിരമിഡിന്റെ മുന്നില്‍ നിന്നാണ് ചിത്രം പകര്‍ത്താന്‍ മോഹന്‍ലാല്‍ ഇഷ്ടപ്പെട്ടത്.മെക്‌സിക്കോയിലെ പുരാതന നഗരമായ തിയോതിഹുവാക്കാനിലെ ഏറ്റവും വലിയ പിരമിഡായ 'പിരമിഡ് ഓഫ് സണ്‍' അഥവാ സൂര്യന്റെ പിരമിഡാണ് ഇത്.
ലിജോ- മോഹന്‍ലാല്‍ കൂട്ടുകെട്ടില്‍ പുറത്തിറങ്ങിയ മലൈക്കോട്ടൈ വാലിബന് പ്രദര്‍ശനം തുടരുകയാണ്.പ്രീ റിലീസ് ഹൈപ്പുമായി എത്തിയ സിനിമയ്ക്ക് സമ്മിശ്ര പ്രതികരണങ്ങളാണ് ആദ്യം മുതല്‍ ലഭിച്ചത്. കൂടുതല്‍ ആളുകള്‍ തിയറ്ററുകളില്‍ എത്തിയതോടെ ആദ്യം പുറത്തുവന്ന നെഗറ്റീവ് റിവ്യൂകള്‍ പതിയെ മാറി തുടങ്ങി. പോസിറ്റീവ് അഭിപ്രായങ്ങളും പ്രത്യക്ഷപ്പെടുന്നു.
