2024 ഫെബ്രുവരി 22ന് പ്രദര്‍ശനത്തിന് എത്തിയ ചിത്രമാണ് മഞ്ഞുമ്മല്‍ ബോയ്‌സ്.ചിദംബരം സംവിധാനം ചെയ്ത ചിത്രം 200 കോടി ക്ലബ്ബില്‍ എത്തിയത് ഈ അടുത്താണ്. 35 ദിവസങ്ങള്‍ പിന്നിട്ട് പ്രദര്‍ശനം തുടരുകയാണ് ചിത്രം. ഇതൊരു നേട്ടം തന്നെയാണ്. ഒരു മാസത്തില്‍ കൂടുതല്‍ തിയേറ്ററുകളില്‍ പിടിച്ചുനില്‍ക്കുക എന്നത് നിസ്സാര കാര്യമല്ല. സൂപ്പര്‍താര ചിത്രങ്ങള്‍ക്ക് പോലും ഇന്നത്തെ കാലത്ത് അതിന് ആവുന്നില്ല. ഈ സന്തോഷം സൗബിന്‍ പങ്കുവെച്ചിരുന്നു. നിരവധി ആളുകളാണ് മഞ്ഞുമ്മല്‍ ബോയ്‌സ് നിര്‍മ്മാതാക്കള്‍ക്ക് ആശംസകളുമായി എത്തിയിരിക്കുന്നത്.
200 കോടി അധികം കളക്ഷന്‍ ഇതിനോടകം മഞ്ഞുമ്മല്‍ ബോയ്‌സ് നേടിയിരുന്നു.മലയാളത്തിന്റെ ഇന്‍ഡസ്ട്രി ഹിറ്റായി മാറിയ ചിത്രം ഇനിയും ബോക്‌സ് ഓഫീസില്‍ വന്‍ കുതിപ്പ് തുടരും എന്നത് ഉറപ്പാണ്. തമിഴ്‌നാട്ടില്‍ ചിത്രംസ് 50 കോടിയില്‍ അധികം നേടിയിരുന്നു. ഇതാദ്യമായിട്ടാണ് മലയാളത്തില്‍ നിന്നുള്ള ഒരു ചിത്രം തമിഴകത്ത് ഈ നേട്ടം സ്വന്തമാക്കുന്നത്.
