ചിത്രത്തില്‍ ഷൈന്‍ ടോം ചാക്കോ, ഗ്രിഗറി, സുധി കോപ്പ, ദിലീഷ് പോത്തന്‍, അലന്‍സിയർ, അര്‍ജുന്‍ അശോകന്‍ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ബോളിവുഡില്‍ നിന്നുള്ള താരങ്ങളും ചിത്രത്തിലുണ്ടാവുമെന്നാണ് സൂചനകൾ. എന്നാൽ ചിത്രത്തല്ലെ നായിക ആരാണെന്നുള്ളതിനെ കുറിച്ച് കൂടുതല്‍ വിവരങ്ങളില്ല.
ഹര്‍ഷാദ് തിരക്കഥ ഒരുക്കുന്ന ചിത്രത്തിന് പ്രശാന്ത് പിള്ളയാണ് സംഗീതം പകരുന്നത്. തമിഴിലെ പ്രശസ്ത നിര്‍മാതാക്കളായിരുന്ന ജെമിനി സ്റ്റുഡിയോസ്, മൂവി മില്‍ എന്നിവരാണ് നിര്‍മാണം. ജാര്‍ഖണ്ഡ്, ഛത്തിസ്‌‌ഗണ്ഡ്, മംഗലാപുരം, കാസര്‍ഗോഡ് എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷനുകൾ. ഒക്ടോബറോട് കൂടിയായിരിക്കും ചിത്രീകരണം ആരംഭിക്കുന്നത്. മലയാളത്തിന് പരിചയമില്ലാത്ത വേറിട്ടൊരു മേക്കിംഗാണ് ചിത്രത്തിന് വേണ്ടി ഒരുക്കുന്നതെന്നാണ് സൂചന. ചിത്രീകരണം പൂര്‍ത്തിയാക്കി അടുത്ത ജനുവരിയില്‍ റിലീസ് ചെയ്യാനുള്ള പദ്ധതിയിലാണ് അണിയറ പ്രവര്‍ത്തകർ.
