സിനിമ എത്രമാത്രം കിടിലനായിരിക്കുമെന്ന് സൂചിപ്പിക്കുന്ന ദൃശ്യങ്ങളാണ് ടീസറിലുള്ളത്. യഥാർത്ഥ കഥയുടെ ഒരു ഇൻസ്പിരേഷൻ ചിത്രമാണ് പരോൾ എന്ന് അണിയറ പ്രവര്‍ത്തകര്‍ തന്നെ പറഞ്ഞിരുന്നു. പാർട്ടിക്ക് വേണ്ടി കൊല്ലാൻ നടക്കുന്നവർക്കും,കുടുംബത്തേക്കാൾ ഏറെ പാർട്ടിയെ സ്നേഹിക്കുന്നവർക്കും ഒരു തിരിച്ചറിവ് നൽകട്ടെ സഖാവ് അലക്സിന്റെ ഒറ്റപ്പെട്ട ചില നിമിഷങ്ങൾ എന്നാണ് സോഷ്യല്‍ മീഡിയ പറയുന്നത്.
ഇനിയയാണ് നായിക. മമ്മൂട്ടിയുടെ സഹോദരിയുടെ വേഷത്തില്‍ മിയയും എത്തും. ജയില്‍ പശ്ചാത്തലമായുള്ള ചിത്രം യഥാര്‍ത്ഥത്തില്‍ നടന്ന സംഭവങ്ങളുടെ കഥയാണ് പറയുന്നത്. ബാഹുബലിയിലെ കാലകേയനെ അവതരിപ്പിച്ച തെലുങ്കു നടന്‍ പ്രഭാകര്‍, സിദ്ധിഖ്, സുരാജ്, ലാലു അലക്സ്, സുധീര്‍ കരമന തുടങ്ങിയവരും ചിത്രത്തില്‍ അഭിനയിക്കുന്നുണ്ട്.
