എന്നാൽ, കുഞ്ഞാലി മരയ്ക്കാരുടെ കഥ പ്രിയദർശനും പറയും- നായകൻ മോഹൻലാൽ. സാമൂതിരി സേനയ്ക്ക് മുന്നില്‍ നിന്നും തീരദേശ സേനയെ സംരക്ഷിച്ച കുഞ്ഞാലി മരക്കാര്‍ നാലാമന്റെ കഥതന്നെയാണ് മോഹൻലാലും ചെയ്യുന്നത്. ഒരേ സിനിമയുമായി മലയാളത്തിലെ മെഗാതാരങ്ങൾ രണ്ടുപേർ വരുമ്പോൾ ആരാധകർ ആകാംഷയിലാണ്.
മമ്മൂട്ടി ചിത്രത്തിന്റെ കിടിലന്‍ സര്‍പ്രൈസ് അണിയറയില്‍ ഒരുങ്ങുന്നുണ്ടെന്നുള്ള വിവരമാണ് ഇപ്പോള്‍ പുറത്തുവന്നിട്ടുള്ളത്. എന്തായാലും ഇത്തവണത്തെ പെരുന്നാള്‍ ദിനത്തില്‍ മെഗാസ്റ്റാറിന്റെ സര്‍പ്രൈസ് ഉണ്ടാവുമെന്നറിഞ്ഞതിന്റെ ത്രില്ലിലാണ് ആരാധകര്‍. പ്രഖ്യാപനം മുതല്‍ത്തന്നെ വാര്‍ത്തകളിലിടം നേടിയ കുഞ്ഞാലി മരക്കാറിലെ സര്‍പ്രൈസാണെന്ന് കൂടി അറിഞ്ഞതോടെ ആരാധകരുടെ സന്തോഷം ഇരട്ടിച്ചിരിക്കുകയാണ്.
