ദേശീയ പുരസ്കാര ജേതാവായ ഹരികൃഷ്ണന്‍റെ തിരക്കഥയില്‍ വിരിയുന്ന ഈ ഫാന്‍റസി ത്രില്ലറില്‍ മമ്മൂട്ടിയുമുണ്ടാകും എന്ന സൂചനകള്‍ ലഭിക്കുന്നു. ചിത്രത്തിന്‍റെ നരേഷന്‍ മമ്മൂട്ടിയുടെ ഗാംഭീര്യമുള്ള ശബ്ദത്തിലാകുമെന്നാണ് വിവരം. ഭൂമിയിലെ അവസാനത്തെ ഒടിയനെക്കുറിച്ചുള്ള മമ്മൂട്ടിയുടെ വിവരണത്തോടെയാണത്രേ സിനിമ ആരംഭിക്കുന്നത്.
ഒടിയന്‍റെ ആക്ഷന്‍ കോറിയോഗ്രഫി പീറ്റര്‍ ഹെയ്ന്‍ ആണ് നിര്‍വഹിച്ചത്. നരനും പുലിമുരുകനുമൊക്കെ ക്യാമറയിലാക്കിയ ഷാജി കുമാറാണ് ഒടിയന്‍റെ ഛായാഗ്രഹണം. മഞ്ജു വാര്യര്‍, പ്രകാശ് രാജ് തുടങ്ങിയ വന്‍ താരനിരയാണ് ഒടിയനിലുള്ളത്.
