അതിനിടയിലാണ് മഹേഷ് നാരായണന്‍ സംവിധാനം ചെയ്യുന്ന മള്‍ട്ടിസ്റ്റാര്‍ ചിത്രം പ്രതിസന്ധിയിലാണെന്നും മമ്മൂട്ടി ഈ സിനിമയില്‍ നിന്ന് പിന്‍വാങ്ങിയതായി റിപ്പോര്‍ട്ടുകളുണ്ടെന്നും സമൂഹമാധ്യമങ്ങളില്‍ പ്രചരിക്കുന്നത്. ഇത് തികച്ചും അടിസ്ഥാനരഹിതമായ പ്രചാരണമാണ്. മഹേഷ് നാരായണന്‍ ചിത്രത്തില്‍ നിന്ന് മമ്മൂട്ടി ഒഴിവാകുകയോ അദ്ദേഹത്തിന്റെ സീനുകള്‍ വെട്ടിക്കുറയ്ക്കുകയോ ചെയ്തിട്ടില്ല.
മഹേഷ് നാരായണന്‍ ചിത്രത്തില്‍ മമ്മൂട്ടിയാണ് പ്രധാന നായകന്‍. മോഹന്‍ലാല്‍, ഫഹദ് ഫാസില്‍ എന്നിവരുടേത് കാമിയോ വേഷങ്ങളാണ്. കുഞ്ചാക്കോ ബോബന്റെ കഥാപാത്രത്തിനു കൂടുതല്‍ ദൈര്‍ഘ്യമുണ്ട്. ഏകദേശം 50 ദിവസത്തെ ചിത്രീകരണം കൂടി മമ്മൂട്ടിക്ക് ബാക്കിയുണ്ടെന്നാണ് വിവരം. കൊച്ചിയിലാണ് ചിത്രത്തിന്റെ പ്രധാന ഷെഡ്യൂള്‍ നടക്കാന്‍ പോകുന്നത്. ഓഗസ്റ്റിലായിരിക്കും മമ്മൂട്ടി മഹേഷ് സിനിമയില്‍ വീണ്ടും ജോയിന്‍ ചെയ്യുക. ഇനി ചിത്രീകരിക്കാനുള്ള ഭാഗങ്ങളില്‍ മമ്മൂട്ടി-മോഹന്‍ലാല്‍ കോംബിനേഷന്‍ സീനുകളും ഉണ്ട്.
