എം പദ്മകുമാർ സംവിധാനം ചെയ്ത ജോസഫ് എന്ന ചിത്രത്തിൽ ജോജു ജോർജ് മാസ്മരിക പ്രകടനമാണ് കാഴ്ച വെച്ചത്. അർഹിച്ച അംഗീകാരം ജോജുവിനെ തേടിയിപ്പോൾ എത്തിയിരിക്കുകയാണ്. ജോസഫ്, ചോല എന്നീ സിനിമകളിലെ അഭിനയത്തിന് മികച്ച സ്വഭാവ നടനുള്ള സംസ്ഥാന അവാർഡ് ആണ് താരത്തെ തേടി എത്തിയിരിക്കുന്നത്.
ജോശഫ് സിനിമ റിലീസ് ആയ സമയത്തായിരുന്നു അത്. ആ വാട്സാപ് സന്ദേശം ഇങ്ങനെയായിരുന്നു ‘ജോജൂ... കൊള്ളാം പടവും നടിപ്പും’ എന്നായിരുന്നു മമ്മൂട്ടി പറഞ്ഞത്. സന്ദേശം ലഭിച്ചപ്പോൾ തനിക്കുണ്ടായ ആഹ്ലാദം പറഞ്ഞറിയിക്കാൻ കഴിയാത്തതായിരുന്നുവെന്ന് ജോജു തന്നെ വ്യക്തമാക്കിയിട്ടുള്ളതാണ്. ‘ഇതാണ് എനിക്ക് കിട്ടിയ ആദ്യ അഭിനന്ദനം, ആദ്യ അവാർഡും. മമ്മൂക്ക അയച്ച ആ സന്ദേശം എത്രയോ അവാർഡുകൾക്ക് തുല്യമാണ്’ എന്നായിരുന്നു ഇതിനെ കുറിച്ച് ജോജു പ്രതികരിച്ചത്.
