ഷാഫി സംവിധാനം ചെയ്ത ചട്ടമ്പിനാട് എന്ന സിനിമയില്‍ കന്നഡ അതിര്‍ത്തിയായുള്ള നാട്ടിലെ മലയാളം സംസാരിക്കുന്ന വീരേന്ദ്ര മല്ലയ്യ എന്ന നായകനാണ് മമ്മൂട്ടി. ആ സിനിമയുടെ ചിത്രീകരണം നടന്നുകൊണ്ടിരിക്കവേ കഥാപാത്രത്തിനായി മമ്മൂട്ടി ഏറെ ഗൃഹപാഠം ചെയ്തിരുന്നു. താമസിക്കുന്ന ഹോട്ടലില്‍ കന്നഡ സീരിയലുകള്‍ പതിവായി കാണും. ഇതേപ്പറ്റി ചോദിച്ചാല്‍ ‘ഇതില്‍ നിന്നൊക്കെ വല്ലതും കിട്ടുമെടോ’ എന്നായിരിക്കും മറുപടി. മമ്മൂട്ടി ആ സിനിമയില്‍ രസകരമായി കന്നഡ ഉപയോഗിച്ചിട്ടുണ്ട്.
കുറേക്കാലത്തിന് ശേഷം, രഞ്ജിത് സംവിധാനം ചെയ്ത പുത്തന്‍‌പണം എന്ന ചിത്രത്തില്‍ നിത്യാനന്ദ ഷേണായി എന്ന കഥാപാത്രം അവതരിപ്പിക്കുമ്പോള്‍ വിധേയനും ചട്ടമ്പിനാടും മമ്മൂട്ടി മിക്സ് ചെയ്തു. അത് വേറൊരു രീതിയിലുള്ള അനുഭവമായി.
