മധുരരാജ ഒരു ബമ്പര്‍ ലോട്ടറിയായിരുന്നു നിര്‍മ്മാതാവ് നെല്‍‌സണ്‍ ഐപ്പിന്. ഈ മമ്മൂട്ടിച്ചിത്രം കളക്ഷന്‍ റെക്കോര്‍ഡുകളെല്ലാം തിരുത്തിക്കുറിച്ചുകൊണ്ടുള്ള പ്രയാണമാണ് തുടരുന്നത്. മമ്മൂട്ടിയുടെ ഏറ്റവും വലിയ പണംവാരിപ്പടമായി മധുരരാജ മാറുമ്പോള്‍ നെല്‍‌സണ്‍ ഐപ്പ് അടുത്ത മമ്മൂട്ടിച്ചിത്രം പ്ലാന്‍ ചെയ്യുകയാണെന്ന് സൂചന.
അതേസമയം, 10 ദിവസം കൊണ്ട് 60 കോടിയോളം കളക്ഷന്‍ നേടിയ മധുരരാജ അടുത്തവാരം കഴിയുന്നതോടെ 100 കോടി ക്ലബ്ബില്‍ ഇടം പിടിക്കുമെന്നാണ് പ്രതീക്ഷിക്കുന്നത്. ഉദയ്കൃഷ്ണ തിരക്കഥയെഴുതിയ ഈ മാസ് എന്‍റര്‍ടെയ്‌നര്‍ കുടുംബപ്രേക്ഷകരെയും യുവാക്കളെയുമാണ് കൂടുതലായി ആകര്‍ഷിക്കുന്നത്.
