ഒരു വർഷത്തെ ഇടവേളയ്ക്ക് ശേഷം തിരിച്ചെത്തിയ ദുൽഖർ സൽമാൻ തിയേറ്ററിലെ തന്റെ സാന്നിധ്യം അറിയിച്ചു. ലക്കി ഭാസ്കർ എന്ന ചിത്രം ദീപാവലി ഹിറ്റ് അടിക്കുമെന്ന് ഉറപ്പ്. റിലീസ് ചെയ്ത ആദ്യ ദിനം 12 കോടിയിലധികമെന്ന് റിപ്പോർട്ട്. തെലുങ്ക്, തമിഴ്, മലയാളം, കന്നഡ പതിപ്പുകൾ ചേർത്തുള്ള കണക്കാണ് ഇത്. 12.7 കോടിയാണ് ആദ്യദിനത്തെ കളക്ഷൻ റിപ്പോർട്ട് എന്ന് ചിത്രത്തിന്റെ അണിയറ പ്രവർത്തകർ പുറത്തുവിട്ടു. ദുൽഖർ സൽമാനും ഇതിന്റെ പോസ്റ്റർ പുറത്തുവിട്ടിട്ടുണ്ട്.
പ്രീമിയർ ഷോയിലും സോഷ്യൽ മീഡിയയിലും മികച്ച അഭിപ്രായം നേടിയതോടെ ആദ്യദിനത്തിൽ കേരളത്തിൽ സിനിമയുടെ സ്‌ക്രീൻ കൗണ്ട് ഉയർത്തിയിരുന്നു. കേരളത്തിൽ 175 സ്‌ക്രീനുകളിലായിരുനു സിനിമ റിലീസ് ചെയ്തിരുന്നത്. ഇത് 207 ആയി ഉയർത്തി. ആദ്യദിനത്തിൽ തന്നെ സിനിമയ്ക്ക് ഇത്തരത്തിൽ സ്‌ക്രീൻ കൗണ്ട് ഉയർത്തുന്നത് അപൂർവമാണ്. ഇതോടെ തെലുങ്കിന് പുറമെ മലയാളത്തിലും സിനിമ ഹിറ്റടിക്കുമെന്ന് ഉറപ്പായിരിക്കുകയാണ്.
