ദിലീപിന്റെ രാജി താരസംഘടനയായ 'അമ്മ' ചോദിച്ചുവാങ്ങിയതാണെന്ന മോഹൻലാലിന്റെ പ്രസ്ഥാവന തള്ളിക്കൊണ്ട് ദിലീപ് തന്നെ കഴിഞ്ഞ ദിവസം രംഗത്തെത്തിയിരുന്നു. രാജിവെച്ചത് സ്വന്തം ഇഷ്‌ടപ്രകാരമാണെന്നും അല്ലാതെ 'അമ്മ' ആവശ്യപ്പെട്ടതുകൊണ്ടല്ല എന്നും ദിലീപ് വ്യക്തമാക്കിയിരുന്നു. രാജിക്കത്ത് ഉൾപ്പെടെയുള്ള വിവരങ്ങൾ താരം ഫേസ്‌ബുക്കിൽ പങ്കുവയ്‌ക്കുകയും ചെയ്‌തിരുന്നു.
നമുക്ക് പോറല്‍ ഏല്‍ക്കാത്ത രീതിയില്‍, പുറത്താക്കുകയാണെന്ന് പറയാതെ നമ്മള്‍ എഴുതുന്നതാണ് രാജിക്കത്ത് . ആ രാജിക്കത്താണ് ദിലീപ് ഫെയ്സ്ബുക്കിലൂടെ പുറത്തു വിട്ടത്. അവിടെ മോഹന്‍ലാലിനെ തരം താഴ്‌ത്തേണ്ട ആവശ്യമില്ല.
നടി ആക്രമിക്കപ്പെട്ട സംഭവത്തില്‍ ആദ്യം മോഹന്‍ലാലിനും ആന്റണി പെരുമ്പാവൂരിനും എതിരേ ആരോപണവുമായി ദിലീപ് എത്തിയത് മറക്കരുതെന്നും താന്‍ ഇല്ലാത്ത സംഘടന ഉണ്ടാകരുത് എന്ന ദുഷിച്ച ചിന്താഗതിയോട് കൂടിയാണ് ദിലീപ് മോഹന്‍ലാലിന്റെയും 'അമ്മ'യുടേയും പേരില്‍ ഇങ്ങനെയൊരു കുറിപ്പിട്ടിരിക്കുന്നതെന്നും ലിബര്‍ട്ടി ബഷീർ ആരോപിച്ചു.
