4 വർഷത്തിലൊരിക്കൽ വരുന്ന പിറന്നാൾ, അമ്മയ്ക്ക് മധുര പതിനാറെന്ന് കുഞ്ചാക്കോ ബോബൻ

നാല് വർഷത്തിലൊരിക്കൽ മാത്രമാണ് ഫെബ്രുവരിക്ക് 29 ദിവസമുള്ളത്. അല്ലാത്തപ്പോൾ 28 വരെയാണുള്ളത്. 29നു ജനിച്ചവർ അപൂർവ്വമാണ്. അത്തരത്തിൽ ഫെബ്രുവരി ജനിച്ച ഒരാൾ നടൻ കുഞ്ചാക്കോ ബോബന്റെ അമ്മയാണ്. 

അമ്മക്ക് പിറന്നാള്‍ ആശംസകള്‍ നേര്‍ന്ന് കുറിപ്പുമായി എത്തിയിരിക്കുകയാണ് കുഞ്ചാക്കോ. താന്‍ കണ്ട ഏറ്റവും കരുത്തരായ സ്ത്രീകളില്‍ ഒരാളാണ് അമ്മയെന്നും അവര്‍ക്ക് ഇപ്പോഴും മധുരപ്പതിനാറാണ് എന്നുമാണ് കുഞ്ചാക്കോ കുറിച്ചിരിക്കുന്നത്.

‘എന്റെ ജീവിതത്തില്‍ ഞാന്‍ കണ്ട ഏറ്റവും കരുത്തരായ സ്ത്രീകളില്‍ ഒരാള്‍ക്ക്. ജീവതത്തിലെ അത്രയും ദുഷ്കരമായ പരീക്ഷണങ്ങളെ പോലും അവർ ധൈര്യത്തോടെ നേരിട്ടു. ബുദ്ധിമുട്ടേറിയ സമയത്തൊക്കെ പിടിച്ച് നിന്നു. ആ ചിരിക്കുന്ന മുഖത്തിന് പിന്നില്‍ അവര്‍ എന്തെല്ലാം അവസ്ഥകളിലൂടെ കടന്നു പോയിട്ടുണ്ട് എന്ന് അധികമാര്‍ക്കും അറിയില്ല. ഞങ്ങളുടെ കുടുംബത്തിന്റെ നെടുംതൂണാണ്. ഞങ്ങളെയെല്ലാം എപ്പോഴും ബന്ധിപ്പിക്കുന്ന കണ്ണിയാണ്. പിറന്നാളാശംസകള്‍ അമ്മാ. ഈ ദിവസം നാല് വര്‍ഷത്തിലൊരിക്കലേ വരൂ എന്നത്‌കൊണ്ട് അമ്മയ്ക്കിപ്പോള്‍ മധുരപ്പതിനാറാണ്. ഒരുപാട് സ്‌നേഹം, ഉമ്മകള്‘ - കുഞ്ചാക്കോ ബോബൻ കുറിച്ചു.