നായാട്ടിനു ശേഷം മാര്‍ട്ടിന്‍ പ്രക്കാട്ട് സംവിധാനം ചെയ്യുന്ന ചിത്രത്തില്‍ കുഞ്ചാക്കോ ബോബനും സജിന്‍ ഗോപുവും പ്രധാന വേഷത്തില്‍ എത്തുന്നു. നവംബര്‍ ആദ്യം ചിത്രത്തിന്റെ ചിത്രീകരണം ആരംഭിക്കുമെന്നാണ് ലഭിക്കുന്ന വിവരം. നിലവില്‍ ജിത്തു അഷറഫ് സംവിധാനം ചെയ്യുന്ന ത്രില്ലര്‍ ചിത്രത്തില്‍ അഭിനയിക്കുകയാണ് കുഞ്ചാക്കോ ബോബന്‍. പ്രിയാമണിയാണ് ചിത്രത്തിലെ നായിക. മാര്‍ട്ടിന്‍ പ്രക്കാട്ട് സംവിധാനം ചെയ്ത ചിത്രത്തില്‍ സജിന്‍ ഗോപുവിനുപകരമായി ആദ്യം നിശ്ചയിച്ചിരുന്നത് ബിജുമേനോനെയായിരുന്നു.
എന്നാല്‍ ഡേറ്റ് ഇല്ലാത്തതിനെ തുടര്‍ന്ന് ഈ വേഷം സജിന്‍ ഗോപുവിലേക്ക് എത്തുകയായിരുന്നു. എആര്‍ മുരുഗദോസ് സംവിധാനം ചെയ്യുന്ന ശിവ കാര്‍ത്തികേയന്‍ നായകനായി എത്തുന്ന ചിത്രത്തില്‍ പ്രതിനായകനായി അഭിനയിക്കുകയാണ് ബിജു മേനോന്‍. ഇതു കാരണമാണ് ഡേറ്റ് ക്ലാഷ് ഉണ്ടായത്.