രൺബീറും ആലിയഭട്ടുമായി പ്രണയത്തിലാണെന്ന് വിവരം ആരാധകരെ ഞെട്ടിച്ചിരിക്കുകയാണ്. കുറച്ച് ദിവസങ്ങൾക്ക് മുമ്പാണ് ഇത് ലോകം അറിയുന്നത്. എന്നാൽ രൺബീറിന്റെ മുൻ കാമുകിയായ കത്രീനയ്‌ക്ക് ഇത് ഇഷ്‌ടമായില്ലെന്നും വാർത്തകൾ ഉണ്ടായിരുന്നു. കത്രീനയും ആലിയയും നല്ല സുഹൃത്തുക്കളായിരുന്നു. എന്നാൽ ആലിയയുമായി രൺബീർ അടുത്തതോടെ കാര്യങ്ങളെല്ലാം മാറിമറിയുകയായിരുന്നു.
''ബോളിവുഡ് നടി ദീപിക പദുക്കോണായിരുന്നു രണ്‍ബീറിന്റെ ആദ്യ കാമുകി. സാവരിയയിലൂടെ രണ്‍ബീറും ഓം ശാന്തി ഓമിലൂടെ ദീപികയും ഒരേ കാലഘട്ടത്തിലാണ് സിനിമയില്‍ എത്തിയത്. എന്നാല്‍ രണ്‍ബീര്‍ ദീപിക ബന്ധം വളരെ പെട്ടന്ന് തന്നെ അവസാനിച്ചു. 2009 മുതലാണ് രണ്‍ബീര്‍ കത്രീനയുമായി പ്രണയത്തിലാകുകയും 2016 വരെ ആ ബന്ധം നീണ്ടു നിൽക്കുകയും ചെയ്‌തിരുന്നു. എന്നാല്‍ വിവാഹത്തെ സംബന്ധിച്ച ചര്‍ച്ചകളിലേക്കെത്തിയപ്പോള്‍ രണ്‍ബീര്‍ ബന്ധം അവസാനിപ്പിക്കുകയായിരുന്നു. ഇത് കത്രീനയുടെ ഹൃദയം തകര്‍ത്തു. രണ്‍ബീര്‍ പറ്റിച്ചുവെന്ന തോന്നല്‍ കത്രീനയ്ക്കുണ്ട്. അതുകൊണ്ടാണ് ആലിയയുമായി കത്രീന അകലം പാലിക്കുന്നത്''-ഡി.എൻ.എ റിപ്പോര്‍ട്ട് ചെയ്തു.
