കമല്‍ഹാസന്റെ വാര്‍ദ്ധക്യം കുറയ്ക്കുന്ന രംഗങ്ങള്‍,'വിക്രം' പോലെയാകില്ല 'ഇന്ത്യന്‍ 2ല്‍', 30 വയസ്സിലേക്ക് തിരികെ പോകാന്‍ നടന്‍
30 വയസ്സ് പ്രായമുള്ളപ്പോള്‍ കമല്‍ഹാസന്‍ അഭിനയിച്ചിട്ടുള്ള സിനിമകള്‍ നിങ്ങള്‍ കണ്ടിട്ടുണ്ടോ ? ഇല്ലെങ്കില്‍ വിഷമിക്കേണ്ട നടന്റെ വരാനിരിക്കുന്ന ഇന്ത്യന്‍ 2ല്‍ 30 വയസ്സുകാരനായി മാറും.ഡി ഏജിംഗ് ടെക്‌നോളജി ഉപയോഗിച്ച് ചെറുപ്പത്തിലെ അതേ ഗെറ്റപ്പിലേക്ക് കമലിനെ മാറ്റിയെടുക്കും.സേനാപതി എന്ന കഥാപാത്രത്തിന്റെ ചെറുപ്പകാലം ഇത്തരത്തില്‍ ആകും സ്‌ക്രീനില്‍ എത്തുക.
നേരത്തെ കമലിനുവേണ്ടി സംവിധായകന്‍ ലോകേഷ് കനകരാജ് ഡി ഏജ് ടെക്‌നിക്ക് ഉപയോഗിച്ചെങ്കിലും വിക്രം സിനിമയില്‍ അത് ഉള്‍പ്പെടുത്തിയില്ല. സമയവും ചെലവും കണക്കെടുത്താണ് അദ്ദേഹം സിനിമയില്‍ നിന്ന് ആ രംഗം ഒഴിവാക്കിയത്.കമല്‍ഹാസന്റെ വാര്‍ദ്ധക്യം കുറയ്ക്കുന്ന രംഗങ്ങള്‍ പിന്നീട് പുറത്ത് വിടുമെന്ന് സംവിധായകന്‍ പറഞ്ഞിരുന്നു. എന്തായാലും അതിനുമുമ്പ് തന്നെ ഇന്ത്യന്‍ 2 എത്തുമോ എന്നതാണ് ഇനി അറിയേണ്ടത്.
ഇന്ത്യന്‍ 2' ല്‍ കാജല്‍ അഗര്‍വാള്‍, രാകുല്‍ പ്രീത് സിംഗ്, സിദ്ധാര്‍ത്ഥ്, പ്രിയ ഭവാനി ശങ്കര്‍, ബോബി സിംഹ, വിവേക്, നെടുമുടി വേണു എന്നിവരും അഭിനയിക്കുന്നു. അനിരുദ്ധ് രവിചന്ദറാണ് ചിത്രത്തിന് സംഗീതം ഒരുക്കിയിരിക്കുന്നത്.
