നടന്‍ ഷെയന്‍ നിഗത്തിനെതിരെ വധഭീഷണി ഉയര്‍ത്തിയ നിര്‍മ്മാതാവ് ജോബി ജോര്‍ജ് മുന്‍പും വാര്‍ത്തകളില്‍ ഇടം പിടിച്ചിട്ടുണ്ട്.നടി പാര്‍വതിയെ അപമിനിക്കുന്ന പരാമര്‍ശങ്ങളുമായി നിരവധി ചര്‍ച്ചകളിലും , സോഷ്യല്‍ മീഡിയയിലും വന്നിരുന്ന ആളാണ് കസബ സിനിമയുടെ പ്രൊഡ്യൂസറായിരുന്ന ജോബി ജോര്‍ജ്.
മമ്മൂട്ടി നായകനായ കസബ സിനിമയെക്കുറിച്ചുള്ള പാര്‍വതിയുടെ അഭിപ്രായത്തിനെതിരെ വലിയ ചര്‍ച്ചകളാണ് നടന്നത്. അന്ന് സൈബര്‍ ബുള്ളിയിങ്ങിന് പാര്‍വതി പരാതി നല്‍കിയപ്പോള്‍ ജോലി നഷ്ടപ്പെട്ട ചെറുപ്പക്കാരന് ജോലി വാഗ്ദാനം ചെയ്തയാളാണ് ജോബി ജോര്‍ജ്.” മുത്തേ നിനക്ക് ചേട്ടന്‍ ജോലി തരും ഡാ” എന്നായിരുന്നു ജോബിയുടെ വാക്കുകൾ.
