'മുകേഷിന്റെ ഭാര്യയാക്കാന്‍ പറ്റില്ല, അവള്‍ കുട്ടിയാണ്'; എതിര്‍ത്ത് മമ്മൂട്ടി, പിന്നീട് ആ സിനിമയില്‍ സോണിയ അഭിനയിച്ചത് ഇങ്ങനെ
സൈന്യത്തില്‍ മുകേഷിന്റെ ഭാര്യയുടെ കഥാപാത്രം ചെയ്യാന്‍ ഗൗതമിയെയാണ് അവര്‍ ആദ്യം തീരുമാനിച്ചത്. പിന്നീട് എന്നെ വിളിച്ചു. മുകേഷിന്റെ ഭാര്യ ഞാനാണെന്ന് അറിഞ്ഞപ്പോള്‍ മമ്മൂട്ടി എതിര്‍ത്തു. അവള്‍ കുട്ടിയാണെന്നും മുകേഷിന്റെ ഭാര്യയാക്കാന്‍ പറ്റില്ലെന്നുമാണ് മമ്മൂട്ടി അന്ന് പറഞ്ഞത്. പിന്നീട് ജോഷി വിളിച്ചത് പ്രകാരം ഹൈദരബാദിലെത്തി മേക്കപ്പ് ചെയ്തപ്പോള്‍ മമ്മൂട്ടി ഒന്നും പറഞ്ഞില്ലെന്നും സോണിയ ഓര്‍ക്കുന്നു. കുട്ടിത്തമുള്ള മുഖം കാരണം പല സൂപ്പര്‍ താരങ്ങളുടെയും നായികയാവാനുള്ള അവസരം നഷ്ടമായെന്നും സോണിയ കൂട്ടിച്ചേര്‍ത്തു.
