' പറയാന്‍ കുറച്ച് ദുഃഖകരമായ കാര്യമാണ്. ഞങ്ങളെ അറിയുന്നവര്‍ ഒരിക്കലും പ്രതീക്ഷിക്കാത്ത കാര്യമാണ് ഞാന്‍ പറയാന്‍ പോകുന്നത്. ഞാനും ഫിറോസ് ഇക്കയും ഡിവോഴ്‌സാകാനുള്ള ഒരുക്കത്തിലാണ്. പരസ്പര ധാരണയിലൂടെയാണ് ഡിവോഴ്‌സ് തീരുമാനത്തിലേക്ക് എത്തിയത്. അതിനുള്ള കാരണം തികച്ചും വ്യക്തിപരമാണ്. ഒന്നിച്ചു മുന്നോട്ടു പോകാന്‍ പറ്റാത്ത സാഹചര്യമാണ്. ഇത്രയും നാള്‍ ഒപ്പമുണ്ടായിരുന്ന വ്യക്തി ഇപ്പോള്‍ ഇല്ലാത്തതില്‍ വിഷമമുണ്ട്,' സജ്‌ന പറഞ്ഞു.
ഇരുവരും വേര്‍പിരിയുന്നതിനു കാരണം ഷിയാസ് കരീം ആണെന്ന തരത്തില്‍ ചില ഗോസിപ്പുകള്‍ പ്രചരിച്ചിരുന്നു. അതിനുള്ള മറുപടിയും സജ്‌ന നല്‍കി. ' ഞങ്ങള്‍ പിരിയാന്‍ തീരുമാനിച്ചത് തികച്ചും വ്യക്തിപരമായ കാര്യങ്ങളിലാണ്. ഞങ്ങളുടെ ഇടയില്‍ മൂന്നാമതൊരാള്‍ വന്നു എന്നൊന്നും കരുതരുത്. അതൊന്നുമല്ല, ഞങ്ങള്‍ തമ്മിലുള്ള അഭിപ്രായ വ്യത്യാസമാണ് കാരണം. ഷിയാസ് കരീം എന്ന വ്യക്തിയുമായി ബന്ധപ്പെടുത്തി ചിലര്‍ പലതും പറയുന്നുണ്ട്. അത് ഇപ്പോള്‍ വരുന്ന ചില റീല്‍സ് കണ്ടിട്ട് പറയുന്നതാണ്. ഞങ്ങളുടെ വേര്‍പിരിയലിന് ഷിയാസുമായി യാതൊരു ബന്ധവുമില്ല. ഷിയാസിനെ ഞാന്‍ മറ്റൊരു രീതിയില്‍ കണ്ടിട്ടില്ല,' സജ്‌ന പറഞ്ഞു.
