സൈക്കോ വില്ലനായി ഫഹദ്, ഇത് രാക്ഷസനെ കടത്തിവെട്ടും!

പ്രേക്ഷക മനസ്സിലേക്ക് ആഴ്‌ന്നിറങ്ങുന്ന തരത്തിലുള്ള കഥാപാത്രങ്ങൾ തിരഞ്ഞെടുക്കാനും അത് തന്റേതായ രീതിയിൽ മികച്ചതാക്കാനും ഫഹദ് ഫാസിലിനെ കഴിഞ്ഞേ മറ്റാരും ഉള്ളൂ. അരങ്ങേറ്റ ചിത്രം പരാജയം ആയിരുന്നെങ്കിലും പിന്നീടങ്ങോട്ട് വെച്ചടി വെച്ചടി കയറ്റം തന്നെയായിരുന്നു.

ഇനി ഇതുവരെ ചെയ്യാത്ത ഒരു സൈക്കോ വില്ലന്റെ കഥാപാത്രമായിട്ടായിരിക്കും ഫഹദ് എത്തുക എന്നാണ് പുറത്തുവരുന്ന വാർത്തകൾ. അടുത്തിടെ ഇറങ്ങിയ തമിഴ് ചിത്രം രാക്ഷസനിലായിരുന്നു പ്രേക്ഷകരെ ഞെട്ടിച്ച സൈക്കോ കഥാപാത്രം ഉണ്ടയിരുന്നത്.

എന്നാൽ ആ കഥാപാത്രത്തേയും വെല്ലുന്ന തരത്തിലായിരിക്കും ഫഹദിന്റെ കഥാപാത്രം എന്നും സൂചനകൾ ഉണ്ട്. ഇപ്പോൾ തിയേറ്ററുകൾ കീഴടക്കി വിജയ ഗാഥ തുടരുൻന ചിത്രമാണ് ഞാൻ പ്രകാശൻ. അതുപോലെ തന്നെ ഇനി വരാനിരിക്കുന്ന കുമ്പങ്ങി നൈറ്റ്‌സ് ആയിരിക്കും ഫഹദിന്റെ അടുത്ത ഹിറ്റ്.