ആഡംബര കപ്പലിലെ ലഹരിവിരുന്നിനിടെ അറസ്റ്റിലായ ബോളിവുഡ് സൂപ്പര്‍താരം ഷാരൂഖ് ഖാന്റെ മകന്‍ ആര്യന്‍ ഖാന്‍ താന്‍ നാല് വര്‍ഷമായി ലഹരി ഉപയോഗിക്കുന്നുണ്ടെന്ന് സമ്മതിച്ചു. നിയമനടപടികളുടെ ഭാഗമായി ആര്യന്‍ ഖാന്‍ പിതാവ് ഷാരൂഖ് ഖാനോട് ഫോണില്‍ സംസാരിച്ചു. നാര്‍കോട്ടിക്‌സ് കണ്‍ട്രോള്‍ ബ്യൂറോ ഓഫീസിലെ ലാന്‍ഡ് ഫോണില്‍ നിന്നാണ് ഷാരൂഖ് ഖാനെ വിളിച്ചത്. രണ്ട് മിനിറ്റ് നേരം മാത്രമാണ് ആര്യന്‍ ഷാരൂഖിനോട് സംസാരിച്ചത്. പിതാവിനോട് സംസാരിക്കുന്നതിനിടെ ആര്യന്‍ കരഞ്ഞു. മാത്രമല്ല, ചോദ്യം ചെയ്യലിനിടെ ആര്യന്‍ ഖാന്‍ തുടര്‍ച്ചയായി കരഞ്ഞതായി എന്‍സിബി ഉദ്യോഗസ്ഥര്‍ പറഞ്ഞു. കഴിഞ്ഞ നാല് വര്‍ഷമായി താന്‍ ലഹരി ഉപയോഗിക്കുന്നുണ്ടെന്ന് ആര്യന്‍ എന്‍സിബി ഉദ്യോഗസ്ഥരോട് സമ്മതിച്ചതായാണ് റിപ്പോര്‍ട്ട്. യുകെയിലും ദുബായിലും താമസിച്ചിരുന്നപ്പോഴു ലഹരി ഉപയോഗിച്ചിരുന്നെന്ന് ആര്യന്‍ എന്‍സിബി ഉദ്യോഗസ്ഥരോട് വെളിപ്പെടുത്തി.