തെറി,മെര്‍സല്‍ തുടങ്ങിയ സിനിമകള്‍ക്ക് ശേഷമാണ് വിജയ് അറ്റ്‌ലീ കൂട്ടൂകെട്ട് വീണ്ടും എത്തിയിരുന്നത്. ഇത്തവണ ഫുട്‌ബോള്‍ പ്രമേയമാക്കികൊണ്ടുളള ഒരു ചിത്രവുമായിട്ടാണ് ഈ കൂട്ടുകെട്ട് എത്തിയത്. 180 കോടി ബജറ്റിൽ നിർമിച്ച ചിത്രം 4 ദിവസം കൊണ്ട് നേടിയത് 150 കോടിക്ക് മുകളിലാണെന്ന് റിപ്പോർട്ടുകൾ.
വിജയുടെ കരിയറിലെ എറ്റവും വലിയ വിജയചിത്രമാകാനുളള കുതിപ്പിലാണ് നിലവില്‍ ബിഗിലെന്ന് അറിയുന്നു. ധനുഷിന്റെ അസുരന് പിന്നാലെയാണ് ബിഗിലും ഇപ്പോള്‍ 150 കോടി ക്ലബിലേക്ക് എത്തിയിരിക്കുന്നത്. 019ല്‍ സാഹോയ്ക്ക് പിന്നാലെ ആദ്യ ദിനം കൂടുതല്‍ കളക്ഷന്‍ നേടിയ ചിത്രമായും ബിഗില്‍ മാറിയിരുന്നു. ഓവര്‍സീസ് മാര്‍ക്കറ്റില്‍ 52 കോടിയോളം നേടിയ സിനിമ ഇന്ത്യയില്‍ നിന്ന് നേടിയത് നൂറ് കോടിയോളമാണ്.
