ഇന്നലെ ആയിരുന്നു കിരീടവുമായി ചെന്നൈ ടീമിന്റെ പ്രതിനിധികള് തിരുപ്പതിയില് എത്തിയത്. വെളുത്ത നിറമുള്ള തുണികൊണ്ട് പൊതിഞ്ഞാണ് ട്രോഫി ക്ഷേത്രത്തിലേക്ക് കൊണ്ടുപോയത് . പൂജാരിമാര് ട്രോഫി വാങ്ങുന്നതും പൂജകള് നടത്തുന്നതുമായ ദൃശ്യങ്ങള് സണ് ന്യൂസ് പുറത്തുവിട്ടിരുന്നു. ഐപിഎല് കിരീടവുമായി നില്ക്കുന്ന തിരുപ്പതി ക്ഷേത്രത്തിലെ പൂജാരിമാരുടെ ചിത്രങ്ങള് ഇതിനോടകം തന്നെ സോഷ്യല് മീഡിയയില് വൈറലാണ്.
