വിവാഹമോചനം നേടി ഭർത്താവിൽ നിന്നും അകന്ന് താമസിക്കുന്ന നടികളിൽ നിന്നും രംഭ വ്യത്യസ്തയായത് ഏറെ ശ്രദ്ധയാകർഷിച്ചിരുന്നു. വിവാഹമോചനം വേണമെന്ന് ആവശ്യപ്പെട്ട് രംഭയുടെ ഭർത്താവ് ഇന്ദിരാകുമാർ ഹർജി ഫയൽ ചെയ്തിരുന്നു. എന്നാൽ ക്ലൈമാക്സിൽ രംഭയ്ക്ക് ഭർത്താവിനെ തിരിച്ചു കിട്ടിയിരിക്കുകയാണ്.
കേസ് കൈകാര്യം ചെയ്യുന്ന ജഡ്ജിയുടെ നിര്‍ദ്ദേശ പ്രകാരം കൗണ്‍സിലിങ്ങിന് ഇരുവരും വിധേയരായി തങ്ങള്‍ക്കിടയിലെ പ്രശ്‌നങ്ങള്‍ പറഞ്ഞു തീര്‍ത്ത് വിവാഹ മോചനം വേണ്ടെന്ന് വെച്ചിരിക്കുകയാണ്. പിരിഞ്ഞു താമസിക്കുന്ന ഭര്‍ത്താവുമായി ഒന്നിക്കാന്‍ ഉത്തരവിടണമെന്നാവശ്യപ്പെട്ട് രംഭയും കോടതിയെ സമീപിച്ചിരുന്നു.
ഭർത്താവിനും ഭാര്യയ്ക്കും രണ്ടഭിപ്രായം ഉണ്ടായതിനെ തുടർന്നാണ് ഇരുവർക്കും കൗൺസിലിങ്ങ് നടത്താൻ തീരുമാനിച്ചത്. 2010-ല്‍ വിവാഹിതരായ രംഭയും ഇന്ദിരാകുമാറും കുറച്ചു നാളുകളായി പിരിഞ്ഞു താമസിക്കുകയായിരുന്നു. ഇവര്‍ക്ക് രണ്ടു പെണ്‍മക്കളാണുള്ളത്.