മൂന്നാറിലെ പെമ്പിളൈ ഒരുമൈയിലെ സ്ത്രീകളെ അശ്ശീല ചുവയുള്ള വാക്കുകൾ കൊണ്ട് അധിക്ഷേപിച്ച മന്ത്രി എം എം മണിക്കെതിരെ നടൻ അലൻസിയറുടെ പ്രതിഷേധം. സാരിചുറ്റി കൂളിംഗ് ഗ്ലാസുമായിട്ടാണ് അലൻസിയർ രംഗത്തെത്തിയത്.
കളക്ടീവ് ഫേസിന്റെ ബാനറില്‍ ബി. അജിത്കുമാര്‍ സംവിധാനം ചെയ്യുന്ന പേരിടാത്ത ചിത്രത്തിന്റെ ലൊക്കേഷനില്‍ വെച്ചായിരുന്നു തന്റെ പ്രതിഷേധം താരം പ്രകടിപ്പിച്ചത്. മണിയുടെ പ്രസ്താവനക്കെതിരെ നേരത്തെ മഞ്ജു വാര്യര്‍ ഉള്‍പ്പെടെയുള്ള ചലച്ചിത്രപ്രവര്‍ത്തകര്‍ രംഗത്തെത്തിയിരുന്നു. ഇതിന് പിന്നാലെയാണ് മണിക്കെതിരെ പ്രതിഷേധ നാടകവുമായി അലനസിയർ രംഗത്തെത്തിയത്.