മെഗാസ്‌റ്റാർ മമ്മൂട്ടിയുടെ 'അബ്രഹാമിന്റെ സന്തതികളി'ലെ ആദ്യ ഗാനം ഇന്നലെ പുറത്തിറങ്ങി. 'യെരുശലേം നായകാ' എന്നു തുടങ്ങുന്ന ഗാനം ഇപ്പോൽ യൂട്യൂബ് തരംഗമായി മുന്നേറുകയാണ്. റിലീസ് ചെയ്‌ത് 24 മണിക്കൂറിനുള്ളിൽ നാലുലക്ഷത്തിനടുത്ത് ആളുകളാണ് ഗാനം കണ്ടത്. ഇരുപത്തിയൊമ്പതിനായിരം ലൈക്കുകളും ഇതിനകം ഗാനം നേടിയിട്ടുണ്ട്.
ഗോപി സുന്ദർ ഈണമിട്ട ഈ മനോഹര ഗാനം ആലപിച്ചിരിക്കുന്നത് ശ്രേയയാണ്. റഫീഖ് ആണ് ഗാനത്തിന്റെ വരികൾ എഴുതിയിരിക്കുന്നത്. ഷാജി പടൂർ സംവിധായകനായെത്തുന്ന 'അബ്രഹാമിന്റെ സന്തതികളി'ൽ ഡെറിക് എബ്രഹാമെന്ന പൊലീസ് ഓഫീസറായാണ് മമ്മൂട്ടി വേഷമിടുന്നത്. കനിഹ, രഞ്ജി പണിക്കർ, സിദ്ദിഖ് തുടങ്ങിയവരും മറ്റ് പ്രധാന വേഷങ്ങളിലെത്തുന്നു.
