പുതിയ റിലീസുകള്‍ ഓരോന്നായി വന്നിട്ടും ഫഹദിന്റെ ആവേശം വീണില്ല. സിനിമ പ്രേമികളെ ഇപ്പോഴും തിയേറ്ററുകളിലേക്ക് ആകര്‍ഷിക്കുകയാണ് സിനിമ. ജിത്തു മാധവന്‍ സംവിധാനം ചെയ്ത ചിത്രം 22 ദിവസങ്ങള്‍ പിന്നിട്ട് പ്രദര്‍ശനം തുടരുന്നു. 140 കോടിക്ക് മുകളില്‍ ഇതിനോടകം തന്നെ കളക്ഷന്‍ നേടിക്കഴിഞ്ഞു. മെയ് രണ്ട് വ്യാഴാഴ്ചത്തെ കളക്ഷനാണ് പുറത്തുവന്നിരിക്കുന്നത്.
പ്രഭാത ഷോകളില്‍ 13.63% ഒക്യുപന്‍സി ലഭിച്ചപ്പോള്‍ ഉച്ചകഴിഞ്ഞുള്ള ഷോകളില്‍ 21.23% ആയി വര്‍ധിച്ചു. ഈ ട്രെന്‍ഡ് സായാഹ്ന ഷോകളിലേക്കും തുടര്‍ന്നു, 26.07% വരെ ഒക്യുപന്‍സി എത്തി, രാത്രി ഷോകളില്‍ 34.25% ഒക്യുപന്‍സിയായി ഉയരുന്ന കാഴ്ചയാണ് ഉണ്ടായത്.
