ദൃശ്യം 2 ന്റെ റിലീസിന് ശേഷം, മൂന്നാം ഭാഗം ഉണ്ടാകുമെന്ന് നിര്‍മ്മാതാവ് ആന്റണി പെരുമ്പാവൂര്‍ അറിയിച്ചിരുന്നു. ദൃശ്യം മൂന്നിന് വേണ്ടിയുള്ള ആലോചനയിലാണ് ജീത്തു ജോസഫ്. ഇതുമായി ബന്ധപ്പെട്ട് മോഹന്‍ലാലുമായി ജീത്തു ചര്‍ച്ചകള്‍ നടത്തിയിട്ടുണ്ട്. ഇക്കാര്യം ആന്റണി പെരുമ്പാവൂര്‍ തന്നെ ഒരിക്കല്‍ പറഞ്ഞിരുന്നു.2021 ഫെബ്രുവരി 23-ന്, ദൃശ്യം 3-ന്റെ ക്ലൈമാക്സ് താന്‍ കണ്ടെത്തിക്കഴിഞ്ഞുവെന്നും എന്നാല്‍ തിരക്കഥയും നിര്‍മ്മാണവും യാഥാര്‍ത്ഥ്യമാകാന്‍ കുറഞ്ഞത് മൂന്ന് വര്‍ഷമെങ്കിലും എടുത്തേക്കാമെന്ന് ജിത്തു ഒരു പത്രസമ്മേളനത്തില്‍ പറഞ്ഞിരുന്നു.
അനില്‍ ജോണ്‍സണ്‍ ഗാനങ്ങള്‍ ഒരുക്കി. സതീഷ് കുറുപ്പ് ഛായാഗ്രഹണവും വി എസ് വിനായക് എഡിറ്റിംഗും നിര്‍വ്വഹിച്ചു.നിര്‍മ്മാതാക്കള്‍ തിയേറ്ററില്‍ എത്തിക്കാന്‍ പദ്ധതിയിട്ടിരുന്നു, എന്നാല്‍ നടന്നത് ആമസോണ്‍ പ്രൈം വീഡിയോയിലൂടെ ഒ.ടി.ടി റിലീസ് ആയിരുന്നു.
ദൃശ്യം, ദൃശ്യം 2, ട്വല്‍ത്ത് മാന്‍, റാം,നേര് തുടങ്ങിയ ചിത്രങ്ങള്‍ക്ക് വേണ്ടിയാണ് മോഹന്‍ലാല്‍ ജീത്തു ജോസഫിനൊപ്പം ഒന്നിച്ചത്.
