വരുന്ന വിഷുക്കാലത്ത് സാക്ഷാൽ രജനികാന്തിന്റെ വക വെടിക്കെട്ട്. അതേ, 2016 ഏപ്രിൽ 14നാണ് രജനിയുടെ പുതിയ ചിത്രമായ കബാലി റിലീസാകുന്നത്. പാ രഞ്‌ജിത് സംവിധാനം ചെയ്യുന്ന ഈ അധോലോക ത്രില്ലറിൽ രാധിക ആപ്‌തേ ആണ് നായിക. ഏപ്രിൽ 14 എന്നത് തമിഴ് പുതുവർഷം കൂടിയായതിനാൽ അന്നുതന്നെ ചിത്രം പ്രദർശനത്തിനെത്തിക്കാനാണ് അണിയറപ്രവർത്തകർ ശ്രമിക്കുന്നത്.
ഒരു മുൻ അധോലോക നായകൻ, തട്ടിക്കൊണ്ടുപോകപ്പെട്ട തന്റെ മകളെ രക്ഷിക്കുനതിനായി വീണ്ടും അധോലോകത്തിന്റെ ഇരുണ്ടലോകത്തേക്ക് മടങ്ങിപ്പോകുന്നതാണ് കബാലിയുടെ പ്രമേയം എന്നാണ് അറിയുന്നത്. പുതുമയില്ലാത്ത കഥയാണെങ്കിലും പാ രഞ്‌ജിത്തിന്റെ ആഖ്യാനം വ്യത്യസ്തമാകുമെന്ന പ്രതീക്ഷയിലാണ് സിനിമാലോകം.
