മോഹന്‍ലാലിന്റെ പതിഞ്ഞ സ്വരം മലയാളികള്‍ക്ക് പ്രിയപ്പെട്ടതാണ്. മുന്‍പ് കാസറ്റുകളിലും മറ്റും ലാലിന്റെ അവതരണത്തോടെ ചലച്ചിത്ര ഗാനങ്ങള്‍ ഇറക്കിയിരുന്നു. ഇവ ഏറെ ജനപ്രിയമാകുകയും ചെയ്തു. പിന്നീട് ഗാനങ്ങള്‍ പാടാന്‍ അദ്ദേഹത്തെ പ്രേരിപ്പിച്ചതും ഈ ജനപിന്തുണയാണ്.
സ്ഥിരം ചലച്ചിത്രഗാനപരിപാടികള്‍ക്കിടയില്‍ ഏറെ വ്യത്യസ്തമായ ബ്ലോഗ് താരത്തിന്റെ സ്വരത്തിലാക്കിയതിനു പിന്നില്‍ പ്രമുഖ ചാര്‍ട്ടേഡ് അക്കൗണ്ടന്റും താരസുഹൃത്തും സംഗീതപരിപാടിയുടെ അവതാരകനുമെല്ലാമായ എംബി സനില്‍കുമാറിന്റെ പരിശ്രമമാണുള്ളത്.
ടിപി ചന്ദ്രശേഖരന്‍ വധത്തെത്തുടര്‍ന്ന് ലാല്‍ കുറിച്ച നിലപാടുകള്‍ ഏറെ ചര്‍ച്ച ചെയ്യപ്പെട്ടിരുന്നു. ഇതാദ്യമായാണ് ഒരു താരത്തിന്റെ സാമൂഹിക രാഷ്ട്രീയനിലപാടുകള്‍ ഇങ്ങനെ സ്വന്തം ശബ്ദത്തില്‍ റേഡിയോ പ്രക്ഷേപണമാവുന്നത്. കേരളത്തിലെ എഫ്എംചാനലുകളിലും ഈ പരിപാടി പ്രക്ഷേപണം ചെയ്യുന്ന കാര്യം പരിഗണനയിലാണ്.