മണിരത്നം - എ ആർ റഹ്മാൻ ടീമിന്റെ ഗാനങ്ങൾ എന്നും ആരാധകർക്ക് പ്രിയമേറിയതാണ്. റോജ മുതൽ തുടങ്ങിയതാണ് ഇരുവരുടെയും ഹിറ്റ് കോംമ്പോ. റോജയ്ക്ക് ശേഷം ഒരുക്കുന്നതെല്ലാം മികച്ചതാകാൻ റഹ്മാൻ ശ്രമിച്ചിട്ടുണ്ട്. എന്നാൽ അടുത്തിടെ പുറത്തുവന്ന 'കാട്ര് വെളിയിടൈയിലെ’ ഗാനങ്ങളിലൊന്നിനേപ്പറ്റി അല്പം മോശമായ ഒരു ആരോപണമാണ് സോഷ്യല്‍ മീഡിയയില്‍ ഉയരുന്നത്.
നാല് വര്‍ഷം മുമ്പിറങ്ങിയ ബ്രേക്കിംഗ് ന്യൂസ് എന്ന മലയാള സിനിമയിലെ ഒരു ഗാനവുമായാണ് റഹ്മാന്റെ ഗാനത്തിന് സാമ്യമുള്ളത്. ഇത് റഹ്മാൻ കോപ്പിയടിച്ചെന്നാണ് സോഷ്യൽ മീഡിയകളിൽ ഉയരുന്ന ആരോപണം. ഒരു വട്ടം മാത്രം കേട്ടാൽ സംഗതി സത്യമാണെന്ന് തോന്നുകയും ചെയ്യും.
പാട്ടിന് സാമ്യമുണ്ടോ എന്നുള്ള ചോദ്യത്തിനുമപ്പുറം റഹ്മാന്‍ ഇങ്ങനെ ചെയ്യുമോ എന്നാണ് സോഷ്യല്‍ മീഡിയയില്‍ ഉയരുന്ന ചോദ്യം.