മോഹന്‍ലാല്‍ ചെഗുവേരയാകുന്നു. എ കെ സാജന്‍ സംവിധാനം ചെയ്യുന്ന ‘ചെഗുവേര’ എന്ന ചിത്രത്തിലാണിത്. ചെഗുവേര എന്ന രോഷാകുലനായ മനുഷ്യനായി മോഹന്‍ലാല്‍ എത്തും. ഇടതുപക്ഷസ്വഭാവമുള്ള സിനിമ അസാധാരണമായ സൌഹൃദബന്ധങ്ങളുടെ കഥ കൂടിയാണ്.
2008ല്‍ എ കെ സാജന്‍ എഴുതിയതാണ് ഈ തിരക്കഥ. ജോഷിയാണ് അന്ന് മോഹന്‍ലാലിനെ നായകനാക്കി ഈ സിനിമ സംവിധാനം ചെയ്യാനിരുന്നത്. എന്നാല്‍ ചില കാരണങ്ങളാല്‍ പ്രൊജക്ട് നടന്നില്ല.
ഇപ്പോള്‍ ഇതേ തിരക്കഥ കാലികമായ മാറ്റങ്ങളോടെ എ കെ സാജന്‍ വീണ്ടും അവതരിപ്പിക്കുകയാണ്. ജോഷിക്ക് പകരം സാജന്‍ തന്നെ സംവിധായകനാകും. പുതിയ നിയമത്തിന്‍റെ വന്‍ വിജയത്തിന് ശേഷം സാജന്‍ സംവിധാനം ചെയ്യുന്നത് ഈ പ്രൊജക്ടായിരിക്കും.
ബട്ടര്‍ഫ്ലൈസ്, റെഡ് ചില്ലീസ് തുടങ്ങിയ മോഹന്‍ലാല്‍ സിനിമകള്‍ എഴുതിയത് എ കെ സാജനാണ്.
