തീരുമാനിച്ചാല്‍ തീരുമാനിച്ചതാണ്. ഇനിമുതല്‍ വര്‍ഷം ഒന്നോ രണ്ടോ സിനിമകളേ ചെയ്യുന്നുള്ളൂ എന്നാണ് മെഗാസ്റ്റാര്‍ മോഹന്ലാലിന്റെ തീരുമാനം. അതും തന്നെ വിസ്മയിപ്പിക്കുന്ന, ഒന്നാന്തരം തിരക്കഥകള്‍ക്ക് മാത്രം. കഥ കേള്‍ക്കാന്‍ കൂടുതല്‍ സമയം മാറ്റിവച്ചിരിക്കുകയാണ് മലയാളത്തിന്‍റെ അഭിമാനതാരം.
മോഹന്ലാലിന്റെ ഡേറ്റിനായി മൂന്നുകോടി രൂപ വരെ നല്‍കാന്‍ ഇപ്പോള്‍ നിര്‍മ്മാതാക്കള്‍ തയ്യാറാണ്. പക്ഷേ, ഇത്രയും തുക നല്‍കാന്‍ തയ്യാറാണെങ്കിലും നല്ല തിരക്കഥയില്ലാതെ അദ്ദേഹത്തെ സമീപിക്കാനാവാത്ത അവസ്ഥയിലാണ് നിര്‍മ്മാതാക്കള്‍.
