നിവിന്‍ പോളിയാണ് സൂപ്പര്‍ സ്റ്റാറെന്ന് എല്ലാവരും കരുതും, പക്ഷേ അത് ദുല്‍ക്കറാണ്, സൈലന്‍റ് കില്ലര്‍ !
നിവിന്‍ പോളിയുടെ സിനിമകള്‍ ബോക്സോഫീസില്‍ കോടികള്‍ വാരുമ്പോള്‍ എല്ലാവരും ആവര്‍ത്തിക്കുന്ന ഒരു കാര്യമുണ്ട്. യുവതലമുറയിലെ സൂപ്പര്‍താരം നിവിന്‍ പോളിയാണെന്ന്. ഒരര്‍ത്ഥത്തില്‍ ശരിയുമാണ്. പൃഥ്വിരാജിനേക്കാള്‍, ഫഹദ് ഫാസിലിനേക്കാള്‍ വമ്പന്‍ വിജയങ്ങള്‍ തുടര്‍ച്ചയായി നല്‍കുന്നത് നിവിന്‍ തന്നെയാണ്.
എന്നാല്‍ നമ്മള്‍ ദുല്‍ക്കറിനെ കാണാതിരിക്കരുത്. ഇപ്പോഴിതാ, ഹാട്രിക് വിജയമാണ് ദുല്‍ക്കര്‍ സല്‍മാന്‍ നേടിയിരിക്കുന്നത്. ചാര്‍ലി, കലി, കമ്മട്ടിപ്പാടം എന്നിവ. ഇവ മൂന്നും ഒന്നിനൊന്ന് വ്യത്യസ്തമായ സിനിമകളും.
