2016 ലെ ആകര്‍ഷണീയതയുള്ള 50 വ്യക്തികളുടെ പട്ടിക ടൈം ഗ്രൂപ്പ് പുറത്തുവിട്ടു. ഓണ്‍ലൈന്‍ സര്‍വേയുടെയും ജൂറി തീരുമാനങ്ങളുടേയും അടിസ്ഥാനത്തിലാണ് പട്ടിക തയാറാക്കുന്നത്. 2016ലെ മിസ്റ്റര്‍ വേള്‍ഡ് രോഹിത് ഖണ്ഡേവാള്‍ ആണ് ഒന്നാം സ്ഥാനത്ത് നില്‍ക്കുന്നത്. രണ്ടാം സ്ഥാനം ഇന്ത്യന്‍ നായകന്‍ വിരാട് കോലിക്കാണ്.
മലയാളികള്‍ക്കും അഭിമാനിക്കാവുന്ന കാര്യമാണ്. മലയാളത്തില്‍ നിന്നും രണ്ട് യൂത്തന്മാരാണ് പട്ടികയില്‍ ഇടം പിടിച്ചിരിക്കുന്നത്. പതിനാലാം സ്ഥാനം സ്വന്തമാക്കിയിരിക്കുന്നത് മലയാളികളുടെ സ്വന്തം ദുല്‍ഖര്‍ സല്‍മാന്‍ ആണ്. കഴിഞ്ഞ വര്‍ഷം 40 ആം സ്ഥാനം ആയിരുന്നു ദുല്‍ഖറിന്.
നിവിന്‍ പോളിയാണ് ഈ പട്ടികയിലുള്ള രണ്ടാമത്തെ മലയാളി. 28ആം സ്ഥാനമാണ് പട്ടികയില്‍ നിവിന്‍ പോളിക്ക് ലഭിച്ചത്. എം എസ് ധോണിയേയും ജോണ്‍ എബ്രഹാമിനേയും പിന്നിലാക്കിയാണ് ദുല്‍ഖര്‍ പതിനാലാം സ്ഥാനം സ്വന്തമാക്കിയിരിക്കുന്നത്. ജോണ്‍ എബ്രഹാം(15), എംഎസ് ധോണി(18) സ്ഥാനമാണ് ലഭിച്ചിരിക്കുന്നത്.