വാഹന രജിസ്ട്രേഷൻ മറവിൽ തെന്നിന്ത്യൻ നടി അമല പോൾ നികുതി വെട്ടിച്ചത് വൻ വിവാദമായിരുന്നു. സംഭവത്തിലെ നൂലാമാലകൾ ഇനിയും അവസാനിച്ചിട്ടില്ല. താരത്തെ പരിഹസിച്ച് കൊല്ലുകയാണ് സോഷ്യൽ മീഡിയ. ഇതിനിടയിൽ അമലയെ കുറിച്ച് നടൻ ആര്യ തന്റെ ട്വിറ്ററിൽ കുറിച്ച് ട്വീറ്റ് വൈറലാകുന്നു.
"ഞാന്‍ ഈ സമ്പാദിക്കുന്നതെല്ലാം നിനക്ക് വേണ്ടിയാണ്. അമല ഞാന്‍ പ്രണയത്തില്‍ വീണുപോയി." എന്നാണ് ഇത് തമാശയല്ല എന്ന ഹാഷ് ടാഗോടെ ആര്യ പോസ്റ്റ് ചെയ്തത്. ഇതിനു കിടിലൻ മറുപടിയാണ് അമല നൽകിയിരിക്കുന്നത്. "നീയിതാരോടും പറയില്ലെന്ന് വാക്ക് തന്നിട്ടുള്ളതല്ലേ" എന്നാണ് തമാശ നിര്‍ത്തൂ എന്ന ഹാഷ് ടാഗോടെയാണ് അമല ആര്യയ്ക്ക് മറുപടി നൽകിയിരിക്കുന്നത്.
സഹപ്രവര്‍ത്തകരായ നടിമാരോട് തമാശ രൂപേണ ആര്യ നിരന്തരം പ്രണയാഭ്യര്‍ത്ഥന നടത്തുന്നതും കാമുകനെന്ന പോലെ പെരുമാറുന്നതും ഏറെ വാർത്തയായ സംഭവമാണ്.
I think when u save road tax .. you end up in a boat