രാജന്‍ സക്കറിയ എന്ന പൊലീസ് ഉദ്യോഗസ്ഥനായി മമ്മൂട്ടി നിറഞ്ഞുനില്‍ക്കുന്ന സിനിമയുടെ രണ്ടാം ഭാഗത്തേക്കുറിച്ചുള്ള ചര്‍ച്ചകള്‍ വരെ ആരംഭിച്ചുകഴിഞ്ഞതായും ചില റിപ്പോര്‍ട്ടുകള്‍ വരുന്നു. കസബ 2 വരുന്ന കാര്യത്തില്‍ അണിയറ പ്രവര്‍ത്തകര്‍ സ്ഥിരീകരണം നല്‍കിയിട്ടില്ലെങ്കിലും അത്തരം പ്രചരണം സോഷ്യല്‍ മീഡിയയില്‍ ശക്തമാണ്.
ഈ വാരാന്ത്യയില്‍ വലിയ കളക്ഷന്‍ കസബ സ്വന്തമാക്കിയാല്‍ നിര്‍മ്മാതാവിന് കോടികളുടെ ലാഭമുണ്ടാകും. സിനിമയുടെ സാറ്റലൈറ്റ് റൈറ്റ് എത്ര രൂപയ്ക്കാണ് വിറ്റുപോയിരിക്കുന്നതെന്ന് വ്യക്തമായിട്ടില്ല. രജനികാന്ത് ചിത്രമായ ‘കബാലി’ വരുന്നതിന് മുമ്പ് പരമാവധി പണം വാരാന്‍ കസബയ്ക്ക് കഴിയുമെന്നാണ് സിനിമാലോകം വിശ്വസിക്കുന്നത്.
