എന്നാല്‍, നോട്ട് പിന്‍‌വലിച്ച നടപടിയിലും ജനങ്ങള്‍ക്ക് ബുദ്ധിമുട്ടുണ്ടായ സാഹചര്യത്തിലും എന്‍ ഡി എയില്‍ അഭിപ്രായഭിന്നത രൂക്ഷമാകുകയാണ്. ഇപ്പോള്‍ തന്നെ ശിവസേന ഇക്കാര്യത്തില്‍ എതിര്‍പ്പുമായി രംഗത്തുണ്ട്. അകാലിദളും തങ്ങളുടെ വിയോജിപ്പ് അറിയിച്ചുകഴിഞ്ഞു.
ഇത്തരത്തില്‍ ഒരു തീരുമാനമെടുത്തിട്ട് അതിന് ശേഷം അതില്‍ നിന്ന് പിന്‍‌വാങ്ങുന്നത് രാഷ്ട്രീയമായി ബി ജെ പിക്കും എന്‍ ഡി എയ്ക്കും കനത്ത തിരിച്ചടിയുണ്ടാക്കുമെന്നാണ് മോദിയുടെയും സര്‍ക്കാരിലെ മുതിര്‍ന്ന അംഗങ്ങളുടെയും അഭിപ്രായം. അതുകൊണ്ടുതന്നെ, പണം പിന്‍‌വലിക്കുന്നതില്‍ ഇളവുകള്‍ നല്‍കിക്കൊണ്ട് ഈ തീരുമാനവുമായി മുന്നോട്ടുപോകാന്‍ തന്നെയാണ് മോദി തീരുമാനിച്ചിട്ടുള്ളതെന്നാണ് വിവരം.
