ഇതേത്തുടർന്നു ഭാര്യയെ കൊലപ്പെടുത്തുന്നതിന്റെ ഭാഗമായിട്ടാണ് ജസ്പ്രീത് അവരെ നാട്ടിലേക്ക് അയച്ചത്. മാർച്ച് 14നാണു മാതാപിതാക്കളെ കാണാൻ രൺവീത് ഫിറോസ്പുരിലുള്ള സ്വന്തം വീട്ടിലെത്തിയത്. ഇവിടെയെത്തിയ രൺവീതിനെ നേരത്തേ തയ്യാറാക്കിയ പ്ലാൻ പ്രകാരം വീടിനു പുറത്തേക്ക് എത്തിക്കുന്നതിനായി ഭർത്താവ് വീഡിയോ കോൾ ചെയ്യുകയായിരുന്നു.
കൊലയ്ക്കായി ജസ്പ്രീത് തന്നെയാണു കാമുകി കിരൺജിത്തിനെ പഞ്ചാബിലെ ഭാര്യയുടെ വീട്ടിലേക്ക് അയച്ചത്. സംഭവവുമായി ബന്ധപ്പെട്ട് ജസ്പ്രീത്, കിരൺജിത്, സഹോദരി തിരഞ്ചീത് കൗർ, ബന്ധു സന്ദീപ് സിങ് എന്നിവർക്കെതിരെ കേസെടുത്തിട്ടുണ്ട്. കൊലയ്ക്കുശേഷം നാടുവിട്ട കിരൺജിത്തിനെയും ഓസ്ട്രേലിയയിൽ കഴിയുന്ന ജസ്പ്രീതിനെയും നാട്ടിലെത്തിക്കുന്നതിനുള്ള നടപടികൾ പുരോഗമിക്കുകയാണ്. മറ്റു രണ്ടുപേരെയും അറസ്റ്റു ചെയ്തു.
