വനിത ട്വന്റി 20 ലോകകപ്പ് ഫൈനല്‍ കാണാതെ ഇന്ത്യ പുറത്ത്. സെമി ഫൈനലില്‍ കരുത്തരായ ഓസ്‌ട്രേലിയയോട് അഞ്ച് റണ്‍സിന് തോറ്റാണ് ഇന്ത്യ പുറത്തായത്. അവസാന നിമിഷം വരെ ഉദ്വേഗം നിറഞ്ഞ മത്സരത്തില്‍ ഇന്ത്യ ജയത്തിലേക്ക് അടുക്കുമെന്ന് തോന്നിയതാണ്. ക്യാപ്റ്റന്‍ ഹര്‍മന്‍പ്രീത് കൗറിന്റെ റണ്‍ഔട്ടാണ് ഇന്ത്യയില്‍ നിന്ന് വിജയം തട്ടിമാറ്റിയത്. ആദ്യം ബാറ്റ് ചെയ്ത ഓസ്‌ട്രേലിയ നിശ്ചിത 20 ഓവറില്‍ നാല് വിക്കറ്റ് നഷ്ടത്തില്‍ 172 റണ്‍സ് നേടിയപ്പോള്‍ ഇന്ത്യയ്ക്ക് 20 ഓവറില്‍ എട്ട് വിക്കറ്റ് നഷ്ടത്തില്‍ 167 റണ്‍സെടുക്കാനേ സാധിച്ചുള്ളൂ.
