Virat Kohli: സോഷ്യല്‍ മീഡിയയില്‍ വൈറലായി വിരാട് കോലിയുടെ സെഞ്ചുറി സെലിബ്രേഷന്‍. ഏഷ്യാ കപ്പിലെ അഫ്ഗാനിസ്ഥാനെതിരായ സൂപ്പര്‍ ഫോര്‍ പോരാട്ടത്തില്‍ 61 ബോളില്‍ നിന്നാണ് കോലി 122 റണ്‍സ് നേടി പുറത്താകാതെ നിന്നത്. കോലിയുടെ ക്രിക്കറ്റ് കരിയറിലെ 71-ാം സെഞ്ചുറിയും ട്വന്റി 20 ഫോര്‍മാറ്റിലെ ആദ്യ സെഞ്ചുറിയുമാണ് ഇന്നലെ പിറന്നത്.
വിവാഹനിശ്ചയ ദിവസം ജീവിതപങ്കാളി അനുഷ്‌ക ശര്‍മ തന്റെ വിരലില്‍ അണിയിച്ച മോതിരം കഴുത്തിലെ മാലയില്‍ കോര്‍ത്തിട്ടിരിക്കുകയാണ് കോലി. ഈ മോതിരത്തിലാണ് കോലി ചുംബിച്ചത്. വിരലില്‍ മോതിരം ഇടുമ്പോള്‍ ബാറ്റ് ചെയ്യാന്‍ ബുദ്ധിമുട്ടായതിനാലാണ് കോലി മോതിരം മാലയില്‍ കോര്‍ത്തിട്ടിരിക്കുന്നത്. ഈ സെഞ്ചുറി അനുഷ്‌കയ്ക്കുള്ളതാണെന്ന് വ്യക്തമാക്കുന്നതായിരുന്നു കോലിയുടെ ആഹ്ലാദപ്രകടനം.
