ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റില്‍ 608 റണ്‍സിന്റെ വമ്പന്‍ വിജയലക്ഷ്യം പിന്തുടരുന്ന ഇംഗ്ലണ്ട് അവസാന ദിവസം സമനിലയ്ക്ക് വേണ്ടിയും ശ്രമിക്കുമെന്ന സൂചന നല്‍കി ഇംഗ്ലണ്ട് സഹപരിശീലകനായ മാര്‍ക്കസ് ട്രെസ്‌കോത്തിക്. ടെസ്റ്റില്‍ ഫലമുണ്ടാകാനായി എത്ര വലിയ വിജയലക്ഷ്യവും പിന്തുടരുക എന്ന മണ്ടന്‍ തീരുമാനം പിന്തുടരാന്‍ മാത്രം ഇംഗ്ലണ്ട് ടീം മണ്ടന്മാരല്ലെന്ന് ട്രെസ്‌കോത്തിക് പറഞ്ഞു. നാലാം ദിനത്തിലെ കളിക്ക് ശേഷം നടത്തിയ വാര്‍ത്താസമ്മേളനത്തിലാണ് ട്രെസ്‌കോത്തിക് ഇക്കാര്യം പറഞ്ഞത്.
