2018 മാര്‍ച്ച് 24 നാണ് ഓസ്‌ട്രേലിയന്‍ ക്രിക്കറ്റിനെ പിടിച്ചു കുലുക്കിയ സാന്‍ഡ് പേപ്പര്‍ വിവാദം ഉണ്ടാകുന്നത്. ദക്ഷിണാഫ്രിക്കയ്‌ക്കെതിരായ ടെസ്റ്റ് പരമ്പരയിലെ മൂന്നാം മത്സരം കേപ്ടൗണില്‍ നടക്കുന്നതിനിടെയാണ് സംഭവം. ഓസീസ് താരമായ കാമറൂണ്‍ ബാന്‍ക്രോഫ്റ്റ് സാന്‍ഡ് പേപ്പര്‍ ഉപയോഗിച്ച് ബോളില്‍ കൃത്രിമം കാണിക്കുകയായിരുന്നു. സംഭവത്തില്‍ ബാന്‍ക്രോഫ്റ്റിനെ കൂടാതെ ഡേവിഡ് വാര്‍ണര്‍, അന്നത്തെ നായകനായിരുന്ന സ്റ്റീവ് സ്മിത്ത് എന്നിവര്‍ കുറ്റക്കാരാണെന്നു തെളിഞ്ഞിരുന്നു.
