ഓസ്‌ട്രേലിയക്കെതിരായ രണ്ടാം ഏകദിനത്തില്‍ തകര്‍ത്തടക്കി ഇന്ത്യന്‍ ബാറ്റര്‍മാര്‍. ടോസ് നേടി ബൗളിംഗ് തിരെഞ്ഞെടുത്ത ഓസ്‌ട്രേലിയയ്ക്ക് ഇന്നിങ്ങ്‌സിന്റെ തുടക്കത്തില്‍ തന്നെ ഇന്ത്യന്‍ ഓപ്പണര്‍ റുതുരാജ് ഗെയ്ക്ക്വാദിനെ പുറത്താക്കാന്‍ സാധിച്ചെങ്കിലും പിന്നീട് ക്രീസിലെത്തിയ ശ്രേയസ് അയ്യരും ശുഭ്മാന്‍ ഗില്ലും ചേര്‍ന്ന് 200 റണ്‍സിന്റെ കൂട്ടുക്കെട്ടാണ് രണ്ടാം വിക്കറ്റില്‍ കൂട്ടിചേര്‍ത്തത്. ഏറെ നാള്‍ക്ക് ശേഷം ഇന്ത്യന്‍ ടീമില്‍ തിരിച്ചെത്തിയ അയ്യര്‍ സെഞ്ചുറിയോടെ തന്റെ മടങ്ങിവരവ് അവിസ്മരണീയമാക്കി.
