നാട്ടിൽ കന്നി സെഞ്ചുറി സ്വന്തമാക്കുന്ന പത്താമത്തെ താരമാണ് ശ്രേയസ്.രോഹിത് ശര്‍മ (2013, വെസ്റ്റ് ഇന്‍ഡീസ്), പൃഥ്വി ഷാ (2018, വെസ്റ്റ് ഇന്‍ഡീസ്) എന്നിവരാണ് അവസാനമായി നാട്ടിൽ കന്നി ടെസ്റ്റിൽ സെഞ്ചുറി നേടിയ ഇന്ത്യൻ താരങ്ങൾ.
അരങ്ങേറ്റ ടെസ്റ്റില്‍ അഞ്ചാമനായോ, അതിനു താഴെയോ ക്രീസിലെത്തിയ ശേഷം സെഞ്ച്വറിയുമായി കസറിയ നാലാമത്തെ ഇന്ത്യന്‍ താരമെന്ന നേട്ടവും സെഞ്ചുറിയോടെ താരം സ്വന്തമാക്കി. സൗത്താഫ്രിക്കയ്‌ക്കെതിരേ മുന്‍ ഇതിഹാസ ബാറ്റര്‍ വീരേന്ദര്‍ സെവാഗായിരുന്നു ആദ്യമായി അഞ്ചാമനായി ഇറങ്ങി കന്നി ടെസ്റ്റില്‍ നൂറടിച്ചത്. പിന്നീട് മുന്‍ സ്റ്റാര്‍ ഓള്‍റൗണ്ടര്‍ സുരേഷ് റെയ്‌നയും അവസാനമായി നിലവിലെ ഓപ്പണറും ടി20 ടീം നായകനുമായ രോഹിത് ശര്‍മയും ഈ നേട്ടത്തിലെത്തി.
