ഇന്ത്യയ്ക്കെതിരായ ഏകദിന പരമ്പരയ്‌ക്കുള്ള ഓസ്ട്രേലിയന് ടീമില്‍ നിന്ന് ഓള്‍റൌണ്ടര്‍ ഷെയ്ന്‍ വാട്സണെ ഒഴിവാക്കി. മോശം ഫോം തുടരുന്ന സാഹചര്യത്തിലാണ് വാട്സണെ ഒഴിവാക്കാന്‍ ഓസീസ് തീരുമാനിച്ചത്. അതേസമയം, പുതുമുഖങ്ങളെ ടീമില്‍ ഉള്‍പ്പെടുത്തിയിട്ടുണ്ട്. ജനുവരി 12-നാണ് ഇന്ത്യയുടെ ഓസ്ട്രേലിയന് പര്യടനം ആരംഭിക്കുന്നത്.
പുതുമുഖങ്ങളായ ജോയല്‍ പാരിസ്, സ്കോട് ബൊലാന്‍ഡ് എന്നിവര്‍ ടീമില്‍ സ്ഥാനം പിടിച്ചപ്പോള്‍ വാട്സണൊപ്പം സ്പിന്നര്‍ നഥാന്‍ ലയോണിനും ടീമില്‍ സ്ഥാനം ലഭിച്ചില്ല. പരുക്കേറ്റ് വിശ്രമത്തിലായ മിച്ചല്‍ സ്റാര്‍ക്കിനെ ഓസ്‌ട്രേലിയ പ്രഖ്യാപിച്ചു.
ടീം: സ്റീവ് സ്മിത്ത് (ക്യാപ്റ്റന്‍), ഡേവിഡ് വാര്‍ണര്‍, ആരോണ്‍ ഫിഞ്ച്, ഷോണ്‍ മാര്‍ഷ്, ജോര്‍ജ് ബെയ്ലി, ഗ്ളെന്‍ മാക്സ്വെല്‍, മിച്ചല്‍ മാര്‍ഷ്, മാത്യൂ വേഡ്, ജയിംസ് ഫോക്നര്‍, കെയ്ന്‍ റിച്ചാര്‍ഡ്സണ്‍, ജോഷ് ഹേസില്‍വുഡ്, സ്കോട് ബൊലാന്‍ഡ്, ജോയല്‍ പാരിസ്.