അടുത്തിടെ ഗാബയില്‍ ഓസീസിനെതിരെ നടന്ന ടെസ്റ്റ് പരമ്പരയില്‍ ടീമിന്റെ വിജയശില്പിയായതോടെയാണ് ഷമര്‍ ജോസഫ് ശ്രദ്ധിക്കപ്പെട്ടത്. രണ്ടാം ടെസ്റ്റില്‍ ഓസ്‌ട്രേലിയയുടെ 7 വിക്കറ്റുകള്‍ വീഴ്ത്തിയ ഷമര്‍ ജോസഫ് നടത്തിയ ഒറ്റയാള്‍ പോരാട്ടമാണ് ടീമിന് വിജയം സമ്മാനിച്ചത്. ഗാബയില്‍ 8 റണ്‍സിന്റെ വിജയമായിരുന്നു വെസ്റ്റിന്‍ഡീസ് സ്വന്തമാക്കിയത്. ഓസ്‌ട്രേലിയക്കെതിരായ അരങ്ങേറ്റ ടെസ്റ്റില്‍ തന്നെ അഞ്ച് വിക്കറ്റുകള്‍ കൊണ്ട് വരവറിയിച്ച ഷമര്‍ ജോസഫ് ബാറ്റ് കൊണ്ടും നിര്‍ണായക സംഭാവന നല്‍കിയിരുന്നു.
