ഐസിസിയുടെ ഏറ്റവും പുതിയ റാങ്കിംഗ് പട്ടിക പ്രകാരം ഓസ്‌ട്രേലിയക്കെതിരായ പ്രകടനത്തെ തുടര്‍ന്ന് 42 സ്ഥാനങ്ങള്‍ മെച്ചപ്പെടുത്തിയ ഷമര്‍ ജോസഫ് പട്ടികയില്‍ അന്‍പതാം സ്ഥാനത്താണ്. താരത്തിന്റെ കരിയറിലെ രണ്ടാം ടെസ്റ്റ് മത്സരമായിരുന്നു ഗാബയില്‍ നടന്നത്. അതേസമയം ഹൈദരാബാദ് ടെസ്റ്റിലൂടെ അരങ്ങേറിയ ടോം ഹാര്‍ട്‌ലി 7 വിക്കറ്റ് പ്രകടനത്തോടെ റാങ്കിംഗില്‍ 63മത് സ്ഥാനത്തെത്തി. ടെസ്റ്റ് ബൗളര്‍മാരുടെ റാങ്കിംഗില്‍ ഇന്ത്യയുടെ രവിചന്ദ്ര അശ്വിന്‍ ഒന്നാം സ്ഥാനം നിലനിര്‍ത്തി, ജസ്പ്രീത് ബുമ്ര നാലാമതും രവീന്ദ്ര ജഡേജ ആറാം സ്ഥാനത്തുമാണ്.
