മലയാളി താരവും ഐപിഎല്ലില്‍ രാജസ്ഥാന്‍ റോയല്‍സ് നായകനുമായ സഞ്ജു സാംസണ്‍ യുഎഇയില്‍ തുടരുന്നു. ടി 20 ലോകകപ്പിനുള്ള ഇന്ത്യന്‍ സ്‌ക്വാഡിലേക്ക് സഞ്ജുവിന് ക്ഷണം ലഭിച്ചിട്ടുണ്ടെന്നും അതുകൊണ്ടാണ് ബിസിസിഐ അധികൃതര്‍ സഞ്ജുവിനോട് യുഎഇയില്‍ തുടരാന്‍ ആവശ്യപ്പെട്ടതെന്നും നേരത്തെ റിപ്പോര്‍ട്ടുകളുണ്ടായിരുന്നു. എന്നാല്‍, സഞ്ജുവിന് ഇത്തരത്തിലൊരു ക്ഷണവും ലഭിച്ചിട്ടില്ല. ഐപിഎല്‍ ഫ്രാഞ്ചൈസിയുമായി ബന്ധപ്പെട്ട കാര്യങ്ങള്‍ക്കാണ് സഞ്ജു യുഎഇയില്‍ തുടരുന്നതെന്ന് രാജസ്ഥാന്‍ റോയല്‍സുമായി അടുത്ത വൃത്തങ്ങള്‍ വ്യക്തമാക്കി. ഇന്ത്യയുടെ ലോകകപ്പ് സ്‌ക്വാഡില്‍ കാര്യമായ മാറ്റങ്ങള്‍ ഉണ്ടാകാന്‍ സാധ്യതയില്ലെന്നും റിപ്പോര്‍ട്ട് ഉണ്ട്.
